So rap music, is something we do, but HIP-HOP, is something we live
 |
|---|
| ~Mitt Stuff~ |
| *Myndirnar mínar* |
| *01 shit* |
| *Kasmír* |
| ~Bloggarar~ |
| *Bloggarar* |
Þetta er nú eitt það heimskulegasta sem ég hef lesið, á fréttavef að minnsta kosti!
Fálki fær lögheimili í Húsdýragarðinum
Aha, gott að vita, sem sagt ef ég ætla að senda honum bréf þá sendi ég það í Húsdýragarðinn?
Fálkar hafa ekki lögheimili! Hvað ætli hafi verið lögheimilið hans áður.. „Svörtuklettar 3, fimmta sprunga í austur" ?
Annars..
Ég er búin að vera að pæla mikið í vinnunni. Ég er reyndar hugsandi 24/7 (er með svo virka heilastarfsemi, þið skiljið) en ég á einhvern daginn eftir að gera félagsfræðitilraunir í sjoppu, því skal ég lofa ykkur.
Eitt sem ég hef tekið eftir er að fólk meikar ekki að segja suma hluti, sem því finnst ekki rökréttir þótt þeir séu t.d. málfræðilega réttir.
Segjum svo að Jón Jónsson ætli að kaupa eitt sett (súkkulaðistykkin með lakkrísborðanum, þið vitið). Nema hvað, hann Jón ætlar að kaupa tvö svoleiðis. Þá segir Jón ekki; „ég ætla að fá tvö eitt sett", þótt það sé málfræðilega rétt.
Neinei, hann Jón segir t.d.
„Ég ætla að fá tvö svona eitt sett"
„...og tvö þarna eitt sett"
„Láttu mig hafa eitt sett. Nei, höfum það tvö svoleiðis"
Eða fólk segir bara „tvö sett" sem er auðvitað vitlaust, því nammið heitir eitt sett en ekki sett.
Svona er lífið..
12:52 f.h. *
18 september 2003
Meiri vinnusögur.. Er til líf utan vinnu?
Það er alveg mad shit að vinna í Bláa Turninum. Eða það er fínt alla vega.
Í dag komu t.d. einhverjir krakkar og svo byrjaði bara ein stelpan að tala við mig á fullu.. Fundum alveg sameiginlegt fólk sem við þekkjum og alles ;) Ísland er svo lítið.
En já.. Svo er alveg mest gaman að bögga fólk útaf bílunum þeirra. Eða að það kunni ekki að leggja (það geri ég reyndar bara þegar fólk leggur í svona 2 metra fjarlægð frá bílalúgunni svo það liggur við að maður þurfi að kasta draslinu á milli. Röflaði í einni konunni í dag hvað það heyrðist hátt í bílnum hennar. Því miður var það ekkert skemmtilegt því hún var alveg sammála.
Reyndar móðgaði ég gaur um daginn.. Hehe! Það var meira að segja virkilega skondið. Hann kemur á rosa flottum bíl og alveg drunurnar í vélinni og allt... Svo kemur hann að bílalúgunni og.. Byrjar að handskrúfa niður rúðuna! Það eyðilagði alveg coolið.. Svo ég glotti og sagði við hann að það þýddi lítið að vera á flottum bíl ef maður þyrfti að handdrífa rúðuna. Hann bara eitthvað.. „Eh... Uhh.. Öhm.. Þegiðu!" En glotti samt bara..
Svo var ég að reyna að ljúga að gaur að hvítlauksstykki sem við erum með í glugganum (á að fæla burt geitunga.. Þeir eru alltaf að reyna að fljúga inn) væri svona snarl til að narta í á meðan maður væri að bíða eftir afgreiðslu. Hann trúði mér ekki.. Leiðindafólk.
2:21 f.h. *
17 september 2003
Vinna og vinna..
Ég sótti um vinnu! Í 17 reyndar.. Það er kannski ekkert gott að ég fái vinnu þar? Verð aumingja ég, Mh freakið lögð í einelti af Verzló gellunum eða eitthvað.
En já þegar ég var að sækja um vinnuna skila ég inn blaðinu en hafði ekki mynd með. Gellan sem var reyndar virkilega skemmtileg tók á móti umsókninni og bara jaaá en gætiru komið með mynd til að hafa með umsókninni, svona svo ég muni betur eftir þér. Ég bara jájá.. (skil þetta samt sem svona; svo ég muni örugglega eftir að ráða þig ekki)
Svo ég hafði þrjá möguleika.
1. Nota mynd sem var tekin af mér í fyrra.
2. Setja mynd sem ég tók með símanum mínum í tölvuna og prenta hana út.
3. Fara í svona passa-kassa í kringlunni.
Ég tímdi ekki myndinni sem var tekin af mér í fyrra :) Var tekin þegar ég var hármódel og er rosa fín. Svo ég set mynd á netið. Prenta hana út. En NEI NEI. Helvítans myndin stækkar sig upp í heilt A4 blað! Svo.. Hvað á ég að gera? Fara með helvítans A4 mynd af mér? haha.. Geðveikt egó að koma með svoleiðis mynd.. „Viltu að ég áriti hana fyrir þig líka?"
En þetta pirraði mig svo að í staðinn fyrir að reyna aftur ákvað ég að fara í passa-kassa í Kringlunni..
En hér sjáiði afrakstur appelsínugula naglalakksins! :)
I'm a westside thug með appelsínugult naglalakk ;)
12:52 f.h. *
14 september 2003
Hóhóhó!
Og ég keypti mér appelsínugult naglalakk!
11:39 e.h. *
Krugl, kragl, krúgl..
Jólasveininn er ríkastur í heimi!
Magnað helvíti. Ég vildi samt hafa Jóakim í fyrsta sæti.
Ég fór í verslunarferð í dag! Í smáralindina skemmtilegu.. Keypti mér samt mjög lítið þar sem ég á engan pening fyrr en ég kemst í banka á morgun! Gleymdi nefnilega að fara í bankann fyrir helgi. Silly me..
Talandi um verslunarferðir.. Tveir strákar labba framhjá vinkonu minni í kringlunni minnir mig, og hún heyrir svona óvart hvað þeir eru að tala um.. Hvorki hún né ég munum þetta orðrétt en þetta er svona megininntak þess sem við heyrðum;
„Ég var í verslunarferð með X í gær og við vorum í 8 tíma!"
Hahahahahahahahahahahaha!
Mér finnst gaman að versla en 8 tímar! Ég væri dáin eftir það! Hvað þá strákur.. Hehe þetta hlýtur alla vega að vera kærastan hans eða stelpa sem hann er að höztla.. Annars hefði hann ekki lagt þetta á sig! Ég trúi því alla vega ekki..
11:30 e.h. *
09 september 2003
Feminem's back to town!
Jeyj! Ég er komin aftur til RVK.
Held ég sé komin for good núna. Er nefnilega komin með nýja vinnu og alles. Meiri sjoppuvinna..
En hún er samt í bænum núna svo það er skárra en kirkjubæjarklaustur.. Vantar samt meiri vinnu. Getur einhver reddað mér vinnu virka daga til klk 6?
Ætla líka að kíkja í MH á morgun og sjá hverju ég er að missa af. Eða bara fara og kíkja á fólkið reyndar.
En ég þarf að fara að vinna á hádegi svo ég verð að fara snemma í MH (snemma í mínum huga er allt fyrir hádegi). Þórunn er að draga mig um hálf 1o ... Ætli ég verði ekki að lifa það af.
Damn, ég mætti ekki einu sinni hálf 1o í skólann þegar ég var í skóla! :)
12:36 f.h. *
